Skólareglur

Mikilvægt er að nemendur hafi ekki einungis skyldur gagnvart náminu sínu heldur líka framkomu sinni og hegðun í skóla. Nemendur bera ábyrgð á framkomu sinni og samskiptum með hliðsjón af aldri og þroska. Nemendum ber að hlíta fyrirmælum kennara og starfsfólks grunnskóla í öllu því sem skólann varðar, fara eftir skólareglum og fylgja almennum umgengnisreglum í samskiptum við starfsfólk og skólasystkin.

Skólareglur

Göngum rólega.
Tölum hljóðlega.
Fylgjum fyrirmælum alls starfsfólks
Verum stundvís.
Sýnum umburðarlyndi.
Virðum rétt annarra.
Virðum eigum skólans og annarra.
Höfum hendur og fætur hjá okkur.
Verum kurteis.
Verum tillitsöm.

Reglur um símanotkun

Nemendur mega ekki nota síma á skólatíma. Það gildir í kennslustundum, frímínútum, hádegi, vettvangsferðum, skólaferðalögum, á leið í og úr íþróttum og fyrir fyrsta tíma að morgni.
Ef nemandi kemur með síma í skólann á að vera slökkt á honum og hann ofan í tösku eða í læstum skáp nemenda (í unglingadeild).
Ef nemandi kemur með síma í skólann er það á ábyrgð foreldra.
Ef foreldrar þurfa að ná sambandi við nemendur eiga þeir að hafa samband við skrifstofu.

Síma- og tækjanotkun

Víðistaðaskóli er símalaus skóli. Nemendur mega hafa síma í töskum sem öryggistæki en slökkt á að vera á síma og öðrum tækjum í kennslustundum og þau ekki sýnileg nema með sérstöku leyfi kennara.
Allar mynd- og hljóðupptökur í skólanum eru óheimilar nema með sérstöku leyfi kennara.
Skólareglur gilda líka fyrir samskipti nemenda gegnum tölvur og umgengni um tækin.
Nemendur eru hvattir til að vera ábyrgir á netinu og hafa í huga netorðin 5.

Reiðhjól

Nemendur mega mæta á hjóli í skólann, þó verða nemendur í 1. bekk að vera í fylgd fullorðins.
Það er á ábyrgð foreldra að senda börnin sín í skólann á hjóli.
Nemendur bera sjálfir ábyrgð á hjólum sínum.
Leggja á reiðhjólum í hjólagrindur eða við grindverk og læsa.
Notkun reiðhjóla er bönnuð á skólalóð á skólatíma, líka í frímínútum.
Nemendur í 5.–10. bekk mega nota reiðhjól til að fara til og frá Sundhöllinni.
Nemendur eiga að vera með hjálm.

Hlaupahjól, hjólabretti og línuskautar

Hlaupahjól eru læst við hjólagrindur á skólalóð..
Merkja þarf hlaupahjólin.
Nemendur bera sjálfir ábyrgð á hjólum, hjólabrettum og línuskautum sínum.
Notkun hlaupahjóla, hjólabretta og línu- og hjólaskauta er almennt ekki leyfð á skólalóðinni á skólatíma.
Nemendur í 5.–10. bekk mega vera á hlaupahjólum, hjólabrettum og línuskautum á brettavellinum.

Bifhjól

Nemendur sem eru orðnir 13 ára mega koma á vespu eða léttu bifhjóli í flokki 1 í skólann en verða að fylgja reglum sem gilda um notkun slíkra hjóla og leggja þeim í bifhjólastæði skólans. Sömu reglur gilda um þau og reiðhjól á skólatíma á skólalóð.