Nemendafélag

Í nemendafélagi Víðistaðaskóla eru allir nemendur meðlimir.  Nemendur í 8.–10. bekk sitja í embættum nemendafélagsins og hafa kosningarétt. Kosið er árlega í stjórn nemendafélagsins, samtals 15 nemendur. Stjórn nemendafélagsins leggur sig fram við að vera góðar fyrirmyndir og stuðla að því að allir nemendur upplifi sig sem hluta af heildinni.

Helstu verkefni nemendafélagsins eru í tengslum við félagsstarfið og eru unnin í samvinnu við deildarstjóra unglingastigs og stjórnenda Hraunsins. Hlutverk nemendafélagsins er tvíþætt:

1. Skipuleggja félagsstarf í skólanum í samvinnu við starfsfólk Hraunsins og skólastjórn.
2. Gæta að hagsmunum nemenda í skólanum og virkja sem flesta nemendur til starfa og þátttöku í félagslífi skólans.

Nemendafélagið fundar með stjórnendum félagsmiðstöðvar Hraunsins að jafnaði einu sinni í viku, á álagstímum eru oft aukafundir. Formaður getur einnig kallað saman stjórn nemendafélagsins þegar þess þarf.

Hvað er nemendafélag?