Meginhlutverk náms- og starfsráðgjafa er að vinna með nemendum, forsjáraðilum, kennurum, skólastjórnendum og starfsfólki skólans að málefnum sem styrkja nemendur. Náms- og starfsráðgjöf miðar að því að nemendur efli og þroski þekkingu á sjálfum sér, svo sem viðhorfum, áhuga, hæfileikum, getu og væntingum. Náms- og starfsráðgjafi vinnur líka ýmsa teymisvinnu með öðrum í stoðþjónustu skólans, til dæmis umsjónarkennurum, sálfræðingi, hjúkrunarfræðingi og starfsfólki Hraunsins og Hraunkots. Einnig er unnið að ýmsu velferðarstarfi með Fjölskylduþjónustu Hafnarfjarðar, Brúarinnar, BUGL og Þroska- og hegðunarstöð varðandi nám, líðan og framtíðaráform nemenda. Verkefni námsráðgjafa Persónulegur og félagslegur stuðningur við nemendur þannig að þeir eigi auðveldara með að ná settum markmiðum í náminu. Að veita nemendum ráðgjöf og fræðslu um náms- og starfsval. Að leiðbeina nemendum um vinnubrögð í námi. Móttaka nýrra nemenda. Aðstoða nemendur við að gera sér grein fyrir eigin áhugasviðum og meta hæfileika sína raunsætt miðað við nám og störf. Samvinna við stoðþjónustu skólans, þverfagleg teymisvinna og seta í ýmsum ráðum skólans, til dæmis nemendaverndarráði, eineltis- og forvarnarteymi, Brúnni, áfallateymi og lausnarteymi SMT. Námsráðgjafi vinnur í samstarfi við foreldra eftir því sem við á og foreldrar geta einnig leitað beint til námsráðgjafa. Námsráðgjafi er bundinn þagnarskyldu um einkamál nemenda, með þeirri undantekningu sem kveðið er á um í 17. gr. laga um barnavernd. Í viðhengi má nálgast tilvísun til námsráðgjafa sem hægt er að fylla út og senda á netfangið: [email protected]
